കസ്റ്റമർ കയറണമെങ്കിൽ കസ്റ്റമർ കെയർ വേണം

“ഒരു സംരംഭം തുടങ്ങിവയ്ക്കാം, കസ്റ്റമറൊക്കെ തനിയേ കയറിക്കോളും” – പല സംരംഭകരും ഈ വാക്കുകൾ പലയിടത്തും പറയുന്നത് കേട്ടിട്ടുണ്ട്. ബിസിനസുകളെ വളർത്താനും അവരുടെ ലക്ഷ്യങ്ങൾ എത്തിപ്പിടിക്കാൻ അവരെ സഹായിക്കുകയും ചെയ്യുന്ന ഒരു പ്രൊഫഷണൽ എന്നനിലയിൽ സത്യംപറഞ്ഞാൽ ഇങ്ങനെയുള്ള ചിന്തകൾ കാണുന്നതും കേൾക്കുന്നതും എനിക്കുണ്ടാക്കുന്ന ആശങ്ക ചെറുതല്ല. ഇന്നത്തെക്കാലത്ത് മനുഷ്യരെ പൊതുവെ ഉപഭോക്തൃഗണമായാണ് (consumer species) കണക്കാക്കപ്പെടുന്നത്. കാരണം നമുക്കുവേണ്ട എല്ലാക്കാര്യങ്ങളും നമ്മൾതന്നെ ഉത്പാദിപ്പിച്ചെടുക്കുക എന്നത് ഏറെക്കുറെ അസാദ്ധ്യമായ കാര്യമാണ്. സ്വന്തം ആവശ്യങ്ങളെ പരമാവധി ചുരുക്കിക്കൊണ്ട് അങ്ങനെ ചെയ്യുന്നവരുണ്ടാകാം, എങ്കിലും ഭൂരിപക്ഷം ആളുകളും തങ്ങളുടെ വിവിധ ആവശ്യങ്ങൾക്ക് മറ്റുള്ളവരെയോ, മറ്റ് സംരംഭങ്ങളെയോ ആശ്രയിക്കുന്നു. ഉദാഹരണത്തിന് നമുക്കൊരു മൊബൈൽ കണക്ഷൻ വേണമെങ്കിൽ ഒരു പുതിയ നെറ്റ്‌വർക്ക് ഉണ്ടാക്കിയെടുക്കുക എന്നതല്ല എളുപ്പവഴി, പകരം മൊബൈൽ കണക്ഷനുകൾ നൽകുന്ന ഒരു കമ്പനിയുടെ നെറ്റ്‌വർക്ക് സേവനം സ്വീകരിക്കുകയാണ്. അങ്ങനെവരുമ്പോൾ “പൊതുജനം പലവിധം” എന്നുപറയുന്നതുപോലെ ഓരോ ആൾക്കാർക്കും അവർ വാങ്ങിയ ഉത്പന്നത്തെക്കുറിച്ചോ, ലഭിച്ച സേവനത്തെക്കുറിച്ചോ പല പ്രതീക്ഷകളുമുണ്ടാകും. അവരുടെ ആവശ്യങ്ങളും പ്രതീക്ഷകളും കൃത്യമായി മനസ്സിലാക്കുന്നതിനും നിറവേറ്റുന്നതിനും ആ സംരംഭവുമായോ, അവരുടെ ഉത്പ്പന്നവുമായോ, അവർ നൽകിയ സേവനവുമായോ ഉള്ള ഉപഭോക്താവിന്റെ മൊത്തത്തിലുള്ള അനുഭവം മെച്ചപ്പെടുത്തുന്നതിനായി രൂപകൽപ്പന ചെയ്‌തിരിക്കുന്ന പ്രവർത്തനങ്ങളുടെ ഒരു ശ്രേണിയെയാണ് കസ്റ്റമർ കെയർ / കസ്റ്റമർ സർവീസ് എന്ന് വിളിക്കുന്നത്. ചുരുക്കത്തിൽ ഒരു കമ്പനി അതിന്റെ ഉപഭോക്താക്കൾക്ക് പല മാർഗങ്ങളിലൂടെയും  നൽകുന്ന പിന്തുണയും സഹായവുമാണ് കസ്റ്റമർ കെയർ എന്നുപറയാം. ഉപഭോക്തൃ സേവനത്തെ പ്രധാനമായും നാലായി തരംതിരിച്ചിരിക്കുന്നു.

കൂടുതൽ വായിക്കാൻ ഇവിടെ ക്ലിക്ക് ചെയ്യുക.

Disclaimer: Please note that this article was originally written by Achuth B. Mohandas for and published on MyFinPoint website. This blog post is solely intended for promotional purposes and any unauthorized use or reproduction of its content is strictly prohibited under copyright laws. We kindly ask that you respect the intellectual property rights and refrain from using the content without prior written permission. Thank you for your understanding and cooperation.